ՎՏԲ-ն արձագանքել է Նավալնիի սկանդալային տեսանյութերին
10:03 | 2019-12-07
Ալեքսեյ Նավալնիի նշած ինքնաթիռները առնչություն չունեն ՎՏԲ խմբի և դրա հետ կապված մարդկանց հետ: Այս մասին հայտնել է «ՎՏԲ Լիզինգ»-ը:
Կազմակերպությունում պարզաբանել են, որ բիզնես-ջեթերը վաճառվել են կողմնակի ընկերությունների շուկայական գներով և անկախ գնահատողների եզրակացությունների հիման վրա:
Հիշեցնենք, որ դեկտեմբերի սկզբին ընդդիմադիր գործիչ Ալեքսեյ Նավալնին հրապարակել էր երկու տեսանյութ, որում ասվում էր, որ Ռուսաստանի վարչապետի կինը՝ Սվետլանա Մեդվեդևան և «Россия 1» հեռուստաալիքի հաղորդավարուհի Նաիլյա Ասկեր-զադեն (ըստ Նավալանիի՝ նա սիրավեպ ունի ՎՏԲ բանկի նախագահ Անդրեյ Կոստինի հետ) օգտվում են ՎՏԲ բանկի օֆշորին պատկանող ինքնաթիռներից:
https://www.youtube.com/watch?v=bkdzT5cOiSQ