Թուրքիան մտադիր է օգտագործել Ս-400 համակարգերը՝ չնայած ԱՄՆ-ի սպառնալիքներին
10:24 | 2019-12-04
Թուրքիայի խորհրդարանի միջազգային կոմիտեի պատգամավորները հայտարարել են, որ Անկարան երբեք չի հրաժարվի ռուսական Ս-400 զենիթա-հրթիռային համակարգերի ձեռքբերումից և օգտագործումից, անգամ եթե ԱՄՆ-ն պատժամիջոցներ կիրառի: Այս մասին գրում է «Իզվեստիան»:
Տվյալ կոմիտեի անդամ Յունուս Էմրեի խոսքերով, Թուրքիան «չի կարող սպառնալիքի տակ դնել սեփական անվտանգությունը» Վաշինգտոնի հնարավոր պատժամիջոցների պատճառով:
«Ահաբեկչության դեմ պայքարն անմիջապես մեր սահմանների մոտ է ընթանում, մեր աշխարհագրական դիրքի պատճառով մենք բառացիորեն վառվող շրջանի մեջ ենք գտնվում»,- նշել է Էմրեն:
Բացի այդ, թուրքական խորհրդարանի պատգամավոր Օզթյուրք Յըլմազը կարծիք է հայտնել, որ Անկարային ստիպել են ձեռք բերել Ս-400 համակարգերը, քանի որ ԱՄՆ-ն չի համաձայնել Անկարային վաճառել Patriot համակարգերը: