Louis Vuitton Moet Hennesy (LVMH) ֆրանսիական տրանսազգային ընկերությունը մտադիր է գնել ամերիկյան Tiffany & Co զարդերի ապրանքանիշը ավելի քան 16 մլրդ դոլարով։ Այս մասին հաղորդում է Bloomberg-ը։ Աղբյուրի համաձայն՝ առաջին անգամը չէ, որ ընկերությունը ցանկանում է ձեռք բերել ապրանքանիշը։ LVMH-ն պատրաստ է վճարել 135 դոլար՝ մեկ բաժնետոմսի համար։ Դա 12 տոկոսով ավելի է նախնական արժեքից՝ 120 դոլար բաժնետոմսի համար։ Նշվում է, որ երկու ընկերությունների տնօրենների խորհուրդները նիստ են գումարել կիրակի, իսկ երկուշաբթի արդեն կհայտնեն նոր գործարքի մասին։