Ոչ մի կողմի վրա հրդեհը չի կարող զարգանալ․ Փրկարար ծառայության պետը՝ «Դոլմամայի» հրդեհի մասին
16:12 | 2019-11-21
Աբովյան փողոցի հարևանությամբ՝ Dolmama ռեստորանի շենքում տեղի ունեցած հրդեհը մեկուսացվել է։ Մինչև հրշեջների ժամանելը այրվել էր 50 քմ, իսկ նրանց ժամանումից հետո, մինչև հրշեջները հասցրել են մեկուսացնել կրակը, այրվել է ևս մոտ 200 քառակուսի մետր։ Այս մասին լրագրողներին ասաց ԱԻՆ փրկարար ծառայության տնօրեն Վրեժ Գաբրիելյանը։
Նրա խոսքերով՝ շենքի հրդեհը չի տարածվել հարևան շենքերի ուղղությամբ, և նրանք անվտանգ վիճակում են։ Իսկ հրդեհաշիջումը բարդ է ընթացել, քանի որ շենքը հին է։ Գեներալը վստահեցրեց՝ հրդեհը կմարեն, խնդիր չի լինի, բայց միանգամից հնարավոր չի լինի անել դա։