ԱՄՆ-ի նախկին նախագահ Ջիմի Քարթերին հոսպիտալացրել են կոնքի կոտրվածքի պատճառով
18:12 | 2019-10-22
ԱՄՆ-ի նախկին նախագահ Ջիմի Քարթերին հիվանդանոց են տեղափոխել կոնքոսկրերի կոտրվածքով: Այդ մասին հայտնել է Associated press-ը։
ԱՄՆ-ի 39-րդ նախագահի ներկայացուցիչը հայտնել է, որ 95-ամյա Քարթերը վնասվածք է ստացել՝ ընկնելով Ջորջիա նահանգում գտնվող իր տանը:
Մայիսին Քարթերը հիվանդանոցում էր հայտնվել ազդրոսկրի վզիկի կոտրվածքով, որը նույնպես ստացել էր ընկնելու հետևանքով:
Քարթերը ԱՄՆ-ի նախագահն է եղել 1977-1981 թվականներին: Նա ամենամեծ տարիքին է հասել ԱՄՆ-ի նախկին բոլոր նախագահների թվում: Քարթերը վերջին տարիներին հաջող բուժում է անցել ուղեղի քաղցկեղի դեմ: