Մոսկվայում բացատրել են Իրանի դեսպանի դստեր մահը
15:09 | 2019-10-22
Ռուսաստանում Իրանի դեսպան Մեհդի Սանաիի դուստրը՝ 28-ամյա Արեֆեհ Սանաին մահացել է Մոսկվայում, սրտի կաթվածի պատճառով: Այս մասին հաղորդել է Իրանի դեսպանատունը, փոխանցում է РБК-ն:
«Երեկ նրա մոտ սրտի կաթված է եղել, ցավոք, նա մահացել է սրտի կաթվածի հետևանքով»,- պարզաբանել են դեսպանատանը՝ հերքելով ինքնասպանության վարկածը:
Ավելի վաղ, «Ինտերֆաքս» գործակալությունը, հղում անելով իրազեկ աղբյուրին, հաղորդել էր Սանաիի ինքնասպանության մասին՝ երկարատև ընկճախտից հետո: Ինչպես գրել է «112» Telegram-ալիքը, աղջկա դին գտել են Պոդսոսենսկու նրբանցքում գտնվող իր բնակարանի պատուհանի տակ: