Դեմոկրատները մտադիր են Թրամփին մեղադրել լիազորությունների չարաշահման մեջ՝ իմպիչմենթի շրջանակում
13:45 | 2019-10-22
ԱՄՆ ներկայացուցիչների պալատում Դեմոկրատական կուսակցության անդամները մտադիր են իմպիչմենթի գործընթացի շրջանակում ուկրաինական սկանդալի հետ կապված նախագահ Դոնալդ Թրամփին մեղադրել իշխանությունը չարաշահելու մեջ, հաղորդում է NBC-ն:
Ներկայացուցիչների պալատի խոսնակ Նենսի Փելոսին համոզված է, որ նախևառաջ պետք է ուշադրություն դարձնել Ուկրաինայի հետ Թրամփի հարաբերություններին:
Հայտնի է, որ դեմոկրատները շարունակում են քննարկել մեղադրանքները, որոնք կարող են առաջադրվել նախագահի դեմ:
Բացի այդ, Թրամփի դեմ ուղղված մեղադրանքները հասանելի կլինեն լայն հասարակությանը՝ քաղաքացիների աջակցությունը ստանալու նպատակով: