Վատիկանի eRosary էլեկտրոնային վարդարանի ծրագրում խոցելիություն հայտնաբերվեց: Այդ մասին հայտնում է CNET- ը: Հրապարակման մեջ ասվում է, որ կիբեռանվտանգության մասնագետից ընդամենը 15 րոպե պահանջվեց այն տապալելու համար: Իմանալով վարդարանին կցված էլփոստը, հաքերը կարողացավ կոտրել օգտատիրոջ հաշիվը և ստանալ անձի մասին տեղեկությունները, որոնք գործիքը հասցրել է հավաքել`ծննդյան, սեռի, հասակի, քաշի, ինչպես նաև գտնվելու վայրի մասին տվյալները: Հաքերը կարողացել է նաև ամբողջությամբ ջնջել սեփականատիրոջ հաշիվը: Այս խոցելիությունը արագորեն վերացվեց: ERosary աղոթքի էլեկտրոնային վարդարանը Վատիկանում ներկայացվել է հոկտեմբերի 17-ին: Այն հեմատիտից և սև ագատից պատրաստված 10 ուլունքով և ներկառուցված սենսոր ունեցող խաչով մի սարք է: Վարդարանը ակտիվանում է խաչակնքվելու ժեստով։ Սարքը կցված է iOS և Android սմարթֆոններին՝ «Կտտացրու, որ աղոթես» (Click to Pray) հավելվածի միջոցով. ըստ օրացույցի, դրա վրա տարբեր աղոթքներ են գալիս: Սարքի գինը 99 եվրո է: