Պուտինը հայտարարել է Սիրիայի բաժանման անթույլատրելիության մասին
22:25 | 2019-09-16
Ռուսաստանի նախագահ Վլադիմիր Պուտինը Անկարայում եռակողմ գագաթնաժողովի ընթացքում հայտարարել է Սիրիան ազդեցության ոլորտների բաժանելու անթույլատրելիության մասին, հաղորդում է ՏԱՍՍ-ը:
Ռուսաստանի ղեկավարը մտահոգություն է հայտնել Սիրիայի հյուսիս-արևելքում տիրող իրավիճակի վերաբերյալ:
Պուտինը շեշտել է, որ անվտանգության հարցերը պետք է լուծվեն հիմնվելով ինքնիշխանության և տարածքային ամբողջականության պահպանման սկզբունքների վրա:
Ռուսաստանի նախագահի կարծիքով, Սիրիայի բաժանումը ազդեցության ոլորտների անընդունելի է: