Ռուսաստանը և Միացյալ Նահանգները աջակցություն են հայտնել Իրանի դեմ Իսրայելի գործողություններին
18:55 | 2019-08-21
Վերջին մի քանի շաբաթների ընթացքում Իսրայելը երեք հարվածներ հասցրեց Իրաքում իրանական բազաներին այն բանից հետո, երբ Ռուսաստանը և Միացյալ Նահանգներն իրենց համաձայնությունը տվեցին: Այս մասին հայտնում է «The Jerusalem Post» - ը՝ վկայակոչելով արաբական Asharq al-Awsat թերթը:
Մոսկվան և Վաշինգտոնը ենթադրում են, որ Իսրայելը այս կերպ կապահովի իր անվտանգությունը: Նրանց կարծիքով՝ Իսրայելը պետք է շարունակի վերահսկել Սիրիայում և Իրաքում Իրանի գործողությունները և նոր գրոհներ նախաձեռնել հրեական պետությանը սպառնացող թիրախների վրա, օրինակ՝ բարձր ճշգրտությամբ և հեռահար հրթիռային համակարգերի վրա:
The Jerusalem Post-ը հիշեցնում է, որ Իսրայելը բազմիցս նախազգուշացրել է, որ թույլ չի տա իրանական ներկայություն ինչպես Իրաքում, այնպես էլ Սիրիայում: Հրեական պետությունը չի ժխտում Իրաքում զինյալների պահեստների վրա օդային հարվածները:
Իրանն ուղղակիորեն ֆինանսավորում և մատակարարում է իրաքցի զինյալներին, որոնք պայքարում են «Իսլամական պետության» դեմ 2016 թվականից ի վեր: