Գիտությունների ազգային ակադեմիայի Պատմության ինստիտուտի տնօրեն Աշոտ Մելքոնյանն ու պատմաբան, դասագրքերի հեղինակ Էդիկ Գրիգորյանը ընդունելի են համարում հայոց պատմության դպրոցական դասագրքերում վերջին 25-30 տարվա ընդգրկումը` պոզիտիվ շարադրանքով և առանց մեկնաբանության: Այս մասին պատմաբանները հայտնեցին օգոստոսի 20-ին հրավիրված մամուլի ասուլիսում: «Նորագույն ժամանակաշրջանում տեղի ունեցած իրադարձությունները պոզիտիվ շարադրանքով պետք է մատուցել մեր սովորող աշակերտներին»,- ասաց Գրիգորյանը: Աշոտ Մելքոնյանը նշեց, որ պոզիտիվ շարադրանքն անհրաժեշտ է, որպեսզի մարդիկ առանց քաղաքական գնահատականների տեղյակ լինեն, թե ինչ է տեղի ունեցել: «Հոկտեմբերի 27-ի, այնուհետև բոլոր ընտրությունների ընթացքում, որոնք տեղի են ունեցել այս վերջին տասնամյակներիн, այդ թվում նաև մարտի 1-ի հետ կապված բոլոր իրադարձությունները պոզիտիվ շարադրանքի տարբերակով պետք է ներառվեն դպրոցական դասագրքեր, որպեսզի մարդիկ իմանան, թե ինչ է տեղի ունեցել` առանց գնահատականների»,- նշեց Մելքոնյանը: ՀՀ կրթության, գիտության, մշակույթի և սպորտի նախարարի տեղակալ Լուսինե Առաքելյանը նշեց, որ իրենց նախաձեռնությամբ ձևավորվել է 6 պատմաբաններից կազմված աշխատանքային խումբ և հանձնարարվել է ուսումնասիրել 9-րդ դասարանի Հայոց պատմության դասագիրքн ու տեսակետ ներկայացնել: