Բուրջանաձեն սխալ է անվանել Վրաստանի ԱՊՀ-ից դուրս գալը
17:27 | 2019-08-18
Վրացական ընդդիմադիր գործիչ և երկրի խորհրդարանի նախկին խոսնակ Նինո Բուրջանաձեն սխալ է անվանել երկրի դուրս գալը Անկախ պետությունների համագործակցությունից (ԱՊՀ), հայտնում է «ՌԻԱ Նովոստին»:
Նա խոստովանել է, որ ոչ մի օգուտ չի տեսնում այդ որոշումից:
«Վրաստանը շրխկացրեց դուռը, և դա միայն քաղաքական ժեստ էր: Քաղաքականության մեջ նման որոշումները ոչ մի լավ բանի չեն հանգեցնում»,- ասել է Բուրջանաձեն:
Նա հավելել է, որ ԱՊՀ-ում կազմակերպության անդամ-երկրների ներկայացուցիչների հետ շփման հնարավորություն կար, այդ թվում նաև Ռուսաստանի: Բուրջանաձեն կատարվածը սխալ է համարել, քանի որ ԱՊՀ-ին անդամակցությունը երկրի ինքնիշխանության խախտում չէր:
Վրաստանը դադարել է Համագործակցության անդամ լինել 2009-ի օգոստոսի 18-ից: