Ռուսաստանում գործող գումարի փոխանցման խոշոր համակարգերից մեկը՝ Western Union-ը, սահմանափակել է Ռուսաստանից մի շարք երկրների փոխանցվող գումարի չափը, բացի Ղազախստանից, Ղրղզստանից, Չինաստանից և Վիետնամից։ Այժմ փոխանցմանա գումարը չի կարող գերազանցել 600 հազար ռուբլին, 30 օրացույցային օրվա ընթացքում։ Ապրիլի 16-ից 100 հազար ռուբլի գումարով սահմանափակումներ են սահմանվել Ռուսաստանից Ղազախստան, Ղրղզստան, Չինաստան և Վիետնամ փոխանցումների նկատմամբ։ Միջոցառումներն ուղղված են գումարները հակաիրավական նպատակներով օգտագործելու ռիսկերի նվազեցմանը։