Ռուսաստանի քաղաքացիները հուլիսի 8-ից՝ Վրաստան թռիչքների ժամանակավոր արգելքն ուժի մեջ մտնելու օրվանից, ավելի քան 2,8 հազար այց են կատարել հանրապետություն օդային տրանսպորտով, ինչը 78,6 տոկոսով պակաս է 2018 թվականի նույն ժամանակամիջոցի համեմատությամբ: Հուլիսի 22-ին այս տվյալները բերել է Վրաստանի TBC Research ինտերնետ-հրատարակչությունը, որն զբաղվում է երկրի տնտեսական իրադրության վերլուծությամբ՝ տեղեկացնում է TASS-ը: Հրատարակչության տվյալներով՝ ՌԴ-ի քաղաքացիները հուլիսի երկրորդ շաբաթվա ընթացքում կատարել են ավելի քան 2,3 հազար այց Թբիլսիի միջազգային օդանավակայան, ինչը 75,2 տոկոսով պակաս է անցյալ տարվա ցուցանիշների համեմատությամբ: Քութայիսի միջազգային օդանավակայանը հուլիսի երկրորդ կեսին սպասարկել է 129 մարդու ՌԴ-ից (անկումը 68,2 տոկոս): Իսկ ինչ վերաբերում է Բաթումի միջազգային օդանավակայանին, ապա հուլիսի երկրորդ շաբաթվա ընթացքում այնտեղ է ժամանել 449 քաղաքացի ՌԴ-ից (անկումը 88,1 տոկոս): Կրճատվել է նաև այն ռուսաստանցիների թիվը, ովքեր Վրաստան են ժամանել երկրների միջև այժմ գործող «Կազբեկ – Վերրին Լարս» միակ մաքսային անցակետով: Երկրորդ շաբաթվա ընթացքում այդ մաքսային անցակետով Ռուսաստանից Վրաստան է ժամանել ավելի քան 24,5 հազար մարդ, ինչը 5,6 տոկոսով պակաս է 2018 թվականի նույն ժամանակամիջոցի համեմատությամբ: