«Սասնա ծռերի» ապստամբությունը վիժեցրեց Արցախն ու պետականությունը հանձնելու գործընթացը․ Վարուժան Ավետիսյան

«Սասնա ծռեր»-ի անդամ Վարուժան Ավետիսյանն այսօր ներկայացրել է կուսակցության քարտուղարության հայտարարությունը, նշելով, որ «հուլիսյան ապստամբությամբ» իրենք «աղետ են կանխել»: «Պահանջում ենք՝ դադարեցնել ապստամբների նկատմամբ նախորդ ռեժիմից սկսված հալածանքը և ազատել ռազմագերիներ Արմեն Բիլյանին և Սմբատ Բարսեղյանին։ Այս ամենից անկախ, կյանքի բնականոն ընթացքը, չնայած ներկայիս հետընթացին ու ճահճացմանը, անկասելի է։ Թեկուզ որոշ ուշացումով մեր երկրում հաստատվելու է արդարությունը, ոճրագործները կանգնելու են հայկական Նյուրինբերգի առաջ, իսկ հուլիսի 17-ը պաշտոնապես դառնալու է ազգային տոն», - ասված է հայտարարության մեջ: