Վրաստանի իշխանությունները որոշեցին բավարարել ցուցարարների պահանջների մի մասը
13:12 | 2019-06-24
Վրաստանի իշխանությունները որոշել են բավարարել Թբիլիսիում հանրահավաքի մասնակիցների պահանջների մի մասը և 2020 թվականի խորհրդարանական ընտրություններն անցկացնել համամասնական համակարգով: Այդ մասին հայտարարել է «Վրացական երազանք» կառավարող կուսակցության հիմնադիր Բիձինա Իվանիշվիլին:
«Վրացական երազանքը» որոշում է ընդունել 2020 թվականին խորհրդարանական ընտրություններն անցկացնել համամասնական համակարգով՝ անցման զրոյական արգելքով»,- ասել է Իվանիշվիլին բրիֆինգում, հաղորդել է ՌԻԱ Նովոստին: