Facebook-ը, Google-ը, Twitter-ը և խոշոր գովազդային գործակալությունները հայտարարել են վնասակար և պոտենցիալ վտանգավոր բովանդակության հետ համատեղ պայքարի մեկնարկի մասին, որոնց ծավալները դեռևս չափազանց մեծ են: Այս մասին հաղորդում է The Financial Times-ը: Ինչպես նշում է թերթը, այս նախաձեռնությանն աջակցում են WPP, Publicis և Omnicom գործակալությունների, ինչպես նաև Procter & Gamble և Unilever ապրանքանիշները: Ակնկալվում է, որ ընկերությունները կստեղծեն մի շարք արձանագրություններ, որոնք կարող են պաշտպանել ինչպես ապրանքանիշները, այնպես էլ համացանցի սովորական օգտատերերին: Մասնավորապես, ըստ Procter & Gamble ավագ բրենդի մենեջեր Մարկ Պրաչարդի, Google-ը և Facebook-ը, որոնք ներկայում առցանց լրատվամիջոցներում ամենամեծ խաղացողներն են, պետք է ավելի ակտիվ լինեն բովանդակության վերահսկողության հարցում կամ գոնե խրախուսեն խոհեմության դրսևորումը մեկնաբանություններում: Համատեղ խմբի առաջին հանդիպումը տեղի կունենա հունիսի 19-ին՝ չորեքշաբթի օրը: Իսկ թե երբ հստակ որոշումներ կկայացվեն, նշված չէ: