Ուկրաինայի նախագահ Վլադիմիր Զելենսկին հայտարարել Է Գերագույն ռադայի արձակման եւ երկրում վաղաժամկետ խորհրդարանական ընտրությունների անցկացման մասին: «Ես արձակում եմ ութերորդ գումարման Գերագույն ռադան»,-ասել Է նա պաշտոնակալությունից հետո ուկրաինական ժողովրդին հղած ուղերձում: Զելենսկին նաեւ կոչ Է արել պատգամավորներին՝ լիազորությունների ավարտից երկու ամիս առաջ ընդունել մի շարք կարեւոր օրենքներ, մասնավորապես, խորհրդանականականներին զրկել անձեռնմխելիությունից: «Խնդրում եմ՝ ընդունել պատգամավորական անձեռնմխելիության չեղարկման մասին օրենքը, ապօրինի հարստացման համար քրեական պատասխանատվության մասին օրենքը, բազմաչարչար ընտրական օրենսգիրքը»,-հայտարարել Է Զելենսկին: Նա հավելել Է, որ պնդում Է նաեւ ապահովել Ռադայի ընտրությունների բաց ընտրական ցուցակները: Բացի այդ, նախագահը կոչ Է արել պատգամավորներին՝ հեռացնել Ուկրաինայի անվտանգության ծառայության ղեկավարին, գլխավոր դատախազին եւ պաշտպանության նախարարին: «Դրա համար դուք ունեք երկու ամիս: Արեք դա եւ մեդալներ տվեք ձեզ… դեպի վաղաժամկետ խորհրդարանական ընտրություններ: Ես արձակում եմ Ուկրաինայի ութերորդ գումարման Գերագույն ռադան»,-հայտարարել Է նա: Զելենսկին նաեւ դիմել Է ներկայիս կառավարության անդամներին՝ հայտարարելով, որ եկել Է ժամանակը, որ նրանք «թուղթ ու գրիչ վերցնեն՝ ազատելու տեղերը ապագա սերունդների համար»: https://www.youtube.com/watch?v=yqBNgksQBrs