Թուրքիայի նախագահ Ռեջեփ Թայիփ Էրդողանը հայտարարել է, որ արտասահմանից Անկարայի նկատմամբ անդադար ճնշում են գործադրում։ Այս մասին հաղորդում է Anadolu-ն։ Նշվում է, որ Էրդողանն այդ մասին ասել է անկախության պատերազմի 100-ամյակին նվիրված արարողության ժամանակ։ Էրդողանն ասել է, որ արդեն վեց տարի է, ինչպես նախկինում, ճնշում են Թուրքիային։ «Թուրք ժողովրդի նկատմամբ վերաբերմունքը չի փոխվել»,-արձանագրել է Էրդողանը։ Նրա խոսքով՝ նրանք, որոնք մեկ դարից ավելի է Թուրքիային մեղադրանքներ են ներկայացնում, անտեսում են արխիվային փաստաթղթերն ու փաստերը, ինչպես նաև ցավը, որն ապրել է թուրք ժողովուրդը։