Սերգեյ Բագրատյանի առաջին դասը ԱԺ-ում՝ ինչպես պետք է քաղաքական գործիչը հրաժարվի իր համոզմունքներից թեմայով. «Ժամանակ»

Սերգեյ Բագրատյանի առաջին դասը ԱԺ-ում՝ ինչպես պետք է քաղաքական գործիչը հրաժարվի իր համոզմունքներից թեմայով. «Ժամանակ»

«Ժամանակ» թերթը գրում է. ««Ծառուկյան» դաշինքի քաղաքական դպրոցի ղեկավար նշանակված Սերգեյ Բագրատյանը երեկ ԱԺ-ում տվեց առաջին դասը: Բագրատյանը մի քանի օր շարունակ հայտարարում էր, որ «Ծառուկյան» դաշինքը ընդդիմադիր խմբակցություն է, և չի կարող ընդդիմությունը քվեարկել իշխանության թեկնածուի օգտին: Նա գրեթե մինչև վերջին պահը այս քաղաքագիտական համոզմանն էր, սակայն քվեարկությունից ընդամենը մի քանի րոպե առաջ թռավ դահլիճից՝ չմասնակցելով քվեարկությանը: Սա քաղաքական դպրոցի ղեկավարի կենդանի դասն էր՝ ինչպես պետք է քաղաքական գործիչը ընդամենը մի քանի րոպեում հրաժարվի իր համոզմունքներից և ամենավճռական պահին ընդդիմությունից թռնի իշխանության ճամբար թեմայով: Հիշեցնենք, որ ընդամենը շաբաթներ առաջ Սերգեյ Բագրատյանը ընտրվեց ԲՀԿ փոխնախագահ և քաղաքական դպրոցի ղեկավար: Քաղաքական դպրոցը նոր-նոր կազմավորվում է, բայց ուսումնական պրոցեսի համար անհրաժեշտ տեսական հիմքերն արդեն դրվում են»:   Առավել մանրամասն՝ թերթի այսօրվա համարում: