Իլոն Մասքն ազդարարել է Hyperloop արագընթաց տրանսպորտի նոր հնարավորությունների մասին
08:57 | 2018-04-09
SpaceX ընկերության ղեկավար Իլոն Մասքը հայտարարել է, որ առաջիկայում մտադիր է թունելի փորձարկում անցկացնել՝ Hyperloop արագընթաց տրանսպորտի համար։ Այս մասին նա գրել է Twitter-ի իր էջում։
Մասքի խոսքով՝ վակումային թունելի ներսում գտնվող պարկուճը պետք է հասնի մոտ 500 կմ/ժ արագության կամ ձայնի արագության գրեթե կեսին։ Իսկ արգելակման ճանապարհի երկարությունը պետք է կազմի շուրջ 1․2 կմ։
Մասքը խոստովանել է, որ նման գաղափարը մի փոքր ֆանտաստիկ է թվում։ Սակայն նկատել է, որ հետաքրքիր կլինի հետևել փորձին։
Hyperloop-ն արագընթաց տրանսպորտի նախագիծ է, որը 2012-ին առաջարկել է SpaceX-ը։ Ըստ դրա՝ պարկուճները, որտեղ ուղևորներ կլինեն, պետք է տեղավորվեն վակումային թունելներում։ Դա թույլ կտա զգալիորեն մեծացնել շարժման արագությունը։