Որ պահին իշխանափոխության հնարավորություն եղավ, պետք է ստեղծվի ժամանակավոր կառավարություն
20:25 | 2018-03-23
«Հանուն Հայաստան պետության» ճակատը Երևանի Ազատության հրապարակում արդեն թվով երրորդ հանրահավաքն է անցկացնում:
«Հանուն Հայաստան պետության» ճակատի անդամ Ալբերտ Բաղդասարյանը իր ելույթում նշեց, որ խնդիրները Սերժ Սարգսյանի նախագահության 10 տարիների ընթացքում չեն կուտակվել, այլ կուտակվել են մեր անկախության օրվանից՝ դեռևս 1990-ականներից, երբ ուզում էինք պետություն կառուցել, բայց ստեղծեցինք պետական համակարգ, որ ժողովուրդը ստրկանա նախագահին:
«Մենք առաջարկում ենք ժողովրդին, որ յուրաքանչյուր լսող լսի, որ այստեղ իշխանության կռիվ չի: Ինչքան էլ իշխանության մունետիկները, մամուլի միջոցները փորձեն նման տպավորություն ստեղծել, մեր խնդիրը Հայաստան պետության կառավարման ուղղությունը կտրուկ փոխելն է, ոչ միայն մարդկանց փոխելն է»,- ասաց նա։