Ստեղ էդ առթիվ հրթիռակոծություն կանենք. «Միայնակ գայլը» մերժել է բժշկին ազատելու խնդրանքը
21:51 | 2018-03-21
«Սասնա ծռեր» խմբի 10 անդամի գործով այսօրվա նիստում հրապարակվեց նաև ՊՊԾ գնդի գրավման ժամանակ պատանդառված բժիշկների՝ Սալվադորի և մյուսների հեռախոսային խոսակցության գաղտնալսումները:
Այսօր մեղադրողները հրապարակեցին նաև բժիշկների պատանդառությունից հետո «Շտապօգնություն» ՓԲԸ-ի տնօրեն Թագուհի Ստեփանյանի և «Սասնա ծռեր» խմբի հեռախոսային խոսակցությունների գաղտնալսումները: Ստեփանյանը զրուցել էր «Միայնակ գայլ» մականունով հայտնի Արայիկ Խանդոյանի հետ և խնդրել բաց թողնել բժիշկներից Մալինա Մարգարյանին, քանի որ վերջինիս աղջկա ծնունդն է: Խանդոյանն էլ ի պատասխան ասել է, որ տեղյակ է. «Այդ առիթով հրթիռակոծություն ու սալյուտ կանենք»,- ասել է Խանդոյանը՝ այդ կերպ մերժելով Ստեփանյանի խնդրանքը: