Ճապոնիան սկսել է թռչող ավտոմեքենաների համար օրենսդրական բազայի մշակումը
09:59 | 2018-03-20
Ճապոնիայի կառավարությունը սկսել է օրենսդրական բազա մշակել թռչող ատոմեքենաների համար և մտադիր է դրանց մշակման մեջ ներգրավել նաև մասնավոր բիզնեսը։ Այս մասին հայտարարել է երկրի էկոնոմիկայի, առևտրի և արդյունաբերության նախարար Հիրոսիգե Սեքոն։
«Այդ ուղղությամբ աշխատանքները դեռ սահմանափակող բնույթ են կրում։ Սակայն տարբեր խորհրդակցություններ անցկացնելու և օրենսդրական բազայի մշակման միջոցով մենք թռչող ավտմեքենաների մշակմանը կներգրավենք բիզնեսից նոր մասնակիցների»,-նրա խոսքը մեջբերում է NHK հեռուստաալիքը։
Սեքոյի խոսքով՝ նման ավտոմեքենաների ստեղծումը կդյուրացնի տեղաշարժը ցամաքում, ջրում և օդում։