Հնդկաստանում գաջեթը սպանել է աղջկան
08:09 | 2018-03-20
Հնդկաստանի Կերյականի գյուղում 18-ամյա Ումա Օրամը զոհվել է սմարթֆոնի պատճառով, որը պայթել է հեռախոսազրույցի ժամանակ։ Այս մասին հաղորդում է Daily Mail-ը։
Աղջիկը սարքավորումը միացրել է վարդակին՝ լիցքավորվելու համար և խոսել իր հարազատի հետ։ Հեռախոսը պայթել է հենց նրա ձեռքում։
Վնասվել են աղջկա ձեռքը, ոտքը և կրծքավանդակը։
Պայթյունի հետևաքով նա կորցրել է գիտակցությունը։ Դեպքի վայր ժամանած բժիշկները աղջկա կյանքը փրկել չեն կարողացել։ Նա մահացել է հիվանդանոցի ճանապարհին։