Վրաստանի վարչապետ Կվիրիկաշվիլին շուտով կարող է հրաժարական տալ. վրացական ԶԼՄ-ներ
09:30 | 2018-03-18
Վրաստանի վարչապետ Գեորգի Կվիրիկաշվիլին շուտով կարող է լքել պաշտոնը:
Հրաժարական կտան նաև գործող թիմի ևս մի քանի այլ անդամներ՝ հայտնում է «Ռուսթավի 2» հեռուստաալիքը՝ հղում անելով Վրաստանի ղեկավարության աղբյուրներին:
ԶԼՄ-ների տեղեկատվությամբ՝ Կվիրիկաշվիլիի հրաժարականի մասին ակտիվորեն սկսել է քննարկվել կառավարության ղեկավարի բաց նամակի հրապարակումից հետո՝ ուղղված Ռուսաստանի իշխանություններին, որում կոչ էր արվում կարգավորել երկու երկրների միջև հարաբերությունները: Հեռուստաալիքի փոխանցմամբ՝ Վրաստանի կառավարությունը կիսել է ռուսական կողմի հետ փոխգործակցության միտքը, իսկ հրաժարականի մասին վերջնական որոշումը կայացնում է «Վրացական երազանք» իշխող կուսակցության հիմնադիր Բիձինա Իվանիշվիլին:
Վարչապետի հետ միասին իրենց պաշտոնները կարող են լքել ՆԳ նախարար Գեորգի Գախարիան և ֆինանսների նախարար Մամուկա Բախտաձեն: