Համաժողովրդական ընդվզում չի լինի․ Ֆելիքս Ցոլակյան
18:44 | 2018-03-14
ԱԺ ՀՀԿ խմբակցության պատգամավոր, Շիրակի նախկին մարզպետ Ֆելիքս Ցոլակյանը չի կարծում, թե համաժողովրդական ընդվզում կարող է լինել Սերժ Սարգսյանի վարչապետությունը կանխելու համար։
«Ամեն ինչ աշխատանքով է գնահատվում, ես գիտեմ, որ աշխատասիրության տեսակետից Սերժ Սարգսյանը անփոխարինելի է և դա ես բավականին շատ տեսել եմ իմ աշխատանքային գործունեության ընթացքում»։
Ֆելիքս Ցոլակյանը հորդորում է կարդալ Սերժ Սարգսյանի անցած ճանապարհի մասին։
«Արտագաղթի մասին շատ ենք խոսում, տեսեք՝ ժողովրդագրական տեսակետից բոլոր երկրների շարժը, կտեսնեք, որ արտագաղթ ասածը շատ երկրներին է հատուկ, եթե նույնիսկ վերցնենք Մերձբալթյան երկրները, որոնք եվրոպական թեքում ունեն, այնտեղ էլ է արտագաղթը շատ մեծ։ Լեհաստանի պես երկիրը, որը էսօր զարգացման շատ լավ ճանապարհ է ընտրել, արտագաղթը էսօր շատ-շատ է, գնում են զարգացած երկրներ՝ Գերմանիա, Անգլիա, Ամերիկա։ Հայաստանում արտագաղթը մի քանի պատճառներով է, կապված է նաև պատերազմի հետ»։
Մանրամասները՝ տեսանյութում։