Բունդեսթագն այսօր քվեարկության կդնի Գերմանիայի կանցլերի պաշտոնում Անգելա Մերկելի թեկնածության հարցը և վերջակետ կդնի երկրի պատմության մեջ կառավարություն ձևավորելու ամենաերկար գործընթացին, որը տևեց 171 օր: Գերմանիայի բնակչությունը քվեարկում է կուսակցությունների օգտին, որոնցից ամեն մեկն առաջադրում է իր թեկնածուն` կառավարության ղեկավարի պաշտոնում: Այնուհետև նոր գումարման բունդեսթագը գաղտնի քվեարկության միջոցով ընտրում է կանցլերին: Մերկելի վերընտրման համար անհրաժեշտ է, որ նրան աջակցի խորհրդարանականների բացարձակ մեծամասնությունը: