Փորձագետներ. ցանցահենները կարող են հետևել ձեր երեխաներին

Փորձագետներ. ցանցահենները կարող են հետևել ձեր երեխաներին

Չարանենգ ցանցահենները կարող են հեշտությամբ կոտրել և տիրանալ ձեր տնային տեսանկարահանող սարքերի հասանելիությանը, դռան զանգերին և նույնիսկ փորքիկ երեխաներին հետևելու համակարգերին։ Նման եզրակացության են եկել ոլորտի իսրայելցի փորձագետները։ Կիբերանվտանգության իսրայելյան փորձագետները պատմել են, որ իրենք առանց դժվարության կոտրել են գրեթե բոլոր ժամանակակից տներում գոյություն ունեցող համակարգերը։ Այժմ նրանք շարունակում են հետազոտությունները, որոշելու համար, թե որքանով է պաշտպանված «խելացի տան» վիրտուալ աշխարհը, որը քաղաքացիներին հարմարավետություն է խոստանում, սակայն դեռևս անվտանգություն չի երաշխավորում։ «Իրոք վախեցնում է, երբ մտածում ես, թե ինչ հեշտությամբ կարող է պեդոֆիլը, օրինակ, այդ սարքավորումների հասանելիությունը ստանալ»,– ասում է դոկտոր Յոսի Օրենը՝ Բեն–Գուրիոնի համալսարանի ծրագրային ապահովման և ինֆորմացիոն տեխնոլոգիաների բաժնից։