Յունկերն առաջարկել է փոխել ԵՄ ղեկավարության կառուցվածքը

Յունկերն առաջարկել է փոխել ԵՄ ղեկավարության կառուցվածքը

Եվրահանձնաժողովի նախագահ Ժան-Կլոդ Յունկերը ցանկանում է, որպեսզի ապագայում գոյություն ունենա երկպալատ համակարգ՝ Եվրոպական խորհուրդ և Եվրոպական խորհրդարան։ Փետրվարի 23-ին ծրագրված ԵՄ ոչ պաշտոնական գագաթնաժողովի նախաշեմին Յունկերը լրագրողներին է ներկայացրել մի շարք միջոցառումներ, որոնք, Եվրահանձնաժողովի նախագահի կարծիքով՝ կարող են ուժեղացնել ԵՄ արդյունավետությունը, բարելավել կապը ԵՄ ինստիտուտների ղեկավարների և միության քաղաքացիների միջև։ Բրյուսելում մամլո ասուլիսի ժամանակ իր ելույթում նա ասել է, որ դա հեռավոր հորիզոնի համար է։ Նրա խոսքով՝ ներկայում ժամանակ չկա ԵՄ պայմանագրի փոփոխման կամ ինստիտուցիոնալ բարեփոխման մասին քննարկումների համար։ Այդուհանդերձ կան մի շարք գաղափարներ, որոնք կարելի է իրագործել՝ դարձնելու ԵՄ աշխատանքն ավելի արդյունավետ՝ առանցքային առաջնահերթությունների ապահովման հարցում։ Փետրվարի 23-ի գագաթնաժողովում դիտարկման համար Եվրահանձնաժողովի խորհուրդների շարքում է քաղաքացիների հետ երկխոսության պրակտիկայի ակտիվացումը՝ Եվրահանձնաժողովի, Եվրախորհրդարանի, ազգային կառավարությունների, տեղական և տարածաշրջանային իշխանությունների մասնակցությամբ։ Եվրահանձնաժողովը մտադիր է մինչ 2019 թվականի եվրոպական ընտրությունները մեծացնել նման միջոցառումների թիվը՝ նպատակ ունենալով անցկացնել ԵՄ քաղաքացիների հետ տարբեր մակարդակի հավելյալ 500 երկխոսություն։