Թուրքիայի զինված ուժերի ռազմական ինքնաթիռները հարվածներ են հասցրել Իրաքի հյուսիսում Քրդական բանվորական կուսակցության (PKK) դիրքերին: Այս մասին հայտնում է թուրքական «Անադոլու» գործակալությունը: Թուրքիայի զինված ուժերի գլխավոր շտաբի հայտարարության համաձայն՝ ոչնչացվել են քուրդ զինյալներին պատկանող ութ թիրախ: Գործողությունից հետո ինքնաթիռները վերադարձել են ռազմաբազաներ: