Թուրքական հյուրանոցների տերերը մտադիր են բարձրացնել 2018 թվականի ամառային սեզոնի գները։ Նման հայտարարություն է արել Հյուրանոցատերերի և մենեջերների միջերկրածովյան զբոսաշրջային միության նախագահ Էրկան Յագջին։ Էրկանի խոսքերով՝ 2017–ին արտասահմանյան զբոսաշրջիկների թիվը Անթալիայում ավելացել է 56%-ով։ Այս կապակցությամբ թուրքական հյուրանոցները մտադիր են վերանայել գնային քաղաքականությունը։ Ինչպես նշել է միության նախագահը, հյուրանոցատերերը պետք է ճիշտ հաշվեկշռի գան արժեքի և որակյալ ծառայությունների միջև։ Նա նաև նշել է, որ գները կտրուկ չեն բարձրանա, նրանք աստիճանաբար կաճեն։ .