Էրդողանի խորհրդականը կիսվել է Սիրիայում թուրքական բանակի գործողության պլաններով
22:29 | 2018-01-20
Թուրքական բանակը մտադիր է ահաբեկիչներից մաքրել ոչ միայն Աֆրինի շրջանը, այլև Սիրիայի տարածքի զգալի մասը, հայտարարել է Թուրքիայի նախագահի ավագ խորհրդական Իլնուր Չևիքը։
«Թուրքիայի հանձնարարությունն է հանդիսանում «Քրդական աշխատավորական կուսակցության», «Ժողովրդական ինքնապաշտպանության ուժերի» և «Դեմոկրատական միության» ահաբեկիչների ոչնչացումը Եփրատ գետի արևելքից մինչև Իրաքի հետ սահման ընկած տարածքում»,-ասել է նա։
Անկարան մտադիր է նաև ազատագրել սիրիական Մանբիջ քաղաքն ու փոխանցել այն արաբ բնակչությանը, հայտնել է խորհրդականը A Haber հեռուստաալիքի եթերում։
Անկարան «Ժողովրդական ինքնապաշտպանության ուժերին» և «Դեմոկրատական միությանը» համարում է Թուրքիայում ահաբեկչական կազմակերպություն ճանաչված «Քրդական աշխատավորական կուսակցության» սիրիական ստորաբաժանումներ։