Ֆրանսիայի նախագահ Էմանուել Մակրոնն ուզում է, որ ֆրանսիական բագետը ՅՈՒՆԵՍԿՕ-ի կողմից ոչնյութական ժառանգության մաս ճանաչվի: «Մենք պետք է պահպանենք բագետի կատարելությունը և դրա ստեղծման մեր վարպետությունը, ուստի այն պետք է ներառել համաշխարհային ժառանգության ցուցակում»,- ասել է Մակրոնն ուրբաթ Europe1-ի եթերում: «Բագետն առօրյա կյանքի մաս է Ֆրանսիայում, և դա առանձնահատուկ պատմություն է»,- ասել է Մակրոնը: Նա օրինակ է բերել նեապոլիտանական պիցցան, որի պատրաստումը դեկտեմբերին ընդգրկել են ՅՈՒՆԵՍԿՕ-ի ժառանգության ցանկում: