Facebook-ը լիցենզիոն համաձայնագիր է կնքել Sony/ATV Music Publishing-ի հետ
12:22 | 2018-01-09
Sony/ATV Music Publishing ձայնագրման ընկերությունը լիցենզիոն համաձայնագիր է կնքել Facebook-ի հետ, հայտնում է Reuters գործակալությունը։ Պայմանավորվածության շրջանակում Facebook և Instagram սոցցանցերի օգտատերերը կարող են վերբեռնել և ուղարկել տեսանյութեր, որոնք պարունակում են երգեր՝ երաժշտական ընկերության կատալոգից։
Գործարքի արժեքը և այլ մանրամասներ դեռևս հայտնի չեն։
Ինչպես հստակեցնում է Bloomberg-ը, համաձայնագիրը նախատեսում է, որ Facebook-ը կդադարի ջնջել օգտատերերի նկարահանած տեսանյութերը, որոնցում առկա են հատվածներ Sony/ATV Music Publishing-ին պատկանող ստեղծագործություններից։
Հիշեցնենք, որ անցած տարվա դեկտեմբերին Facebook-ը համանման համաձանագիր էր կնքել նաև Universal Music Group ձայնագրման ընկերության հետ։