Ձմեռ պապն այցելել է հիվանդանոցում գտնվող 2-ամյա տղային նրա մահվանից մեկ շաբաթ առաջ
17:39 | 2017-12-16
Մայլզ Ագնյուն, Յուտա նահանգից, ծնվել է միկրոֆալիայով և տառապել մանկական ուղեղային կաթվածից, էպիլեպսիայից և այլ նյարդաբանական հիվանդություններից: Վերջին մի քանի ամիսներին երեխան գտնվել է հիվանդանոցում, և նրա խորթ մայրը՝ Միշելը, հասկացավ, որ երեխան չի ապրի մինչև Սուրբ Ծնունդ: Այդ մասին հաղորդում է Mirror-ը:
Միշելը որոշեց, որ չի կարող որդուն զրկել իր կյանքի վերջին Սուրբ Ծնունդից, և դիմեց Secret Sleigh բարեգործական նախագծի օգնությանը: Ջերրի Բոդիլը չկարողացավ մերժել հիվանդ երեխայի մորը և դեկտեմբերի 5-ին Ձմեռ պապու հագուստով գնաց հիվանդանոց: Ջերրին նույնպես զգացել է երեխայի կորստի ցավը.
«Ես չեմ խաբի, ինձ համար դժվար էր, և Ձմեռ պապու աչքերն արցունքոտվել էին»,- ասել է նա:
Ցավոք, Սուրբծննդյան հրաշք չկատարվեց, մի քանի օր անց երեխայի վիճակը վատացավ, և Ձմեռ պապու այցելությունից մեկ շաբաթ անց Մայլզը մահացավ:
Secret Sleigh-ի կամավորները իրենց ցավակցությունը հայտնեցին երեխայի ընտանիքին և նշեցին, որ ուրախ են նրա պատմության մի մասը դառնալու համար: