Սաուդյան Արաբիայում կանանց թույլ կտան վարել բեռնատար մեքենա
09:54 | 2017-12-16
Սաուդյան Արաբիայում պատրաստ են կանանց տրամադրել մոտոցիկլետ և բեռնատար ավտոմեքենա վարելու իրավունք: Այս մասին հայտնել է Al Arabiya հեռուստաալիքը՝ վկայակոչելով թագավորության ճանապարհային երթևեկության վարչության հայտարարությունը:
Փաստաթղթի համաձայն՝ Սաուդյան Արաբիայի իշխանությունները մտադիր են կանանց թույլ տալ վարել մարդատար մեքենա, կտրամադրեն նաև մոտոցիկլետ վարելու և բեռնատար տրանսպորտի ղեկին նստելու իրավունք: Ինչպես նշել է գերատեսչությունը, համապատասխան փաստաթղթերը կներկայացվեն ընդհանուր հիմունքներով:
Ինչպես ասվում է փաստաթղթում, կանոնները խախտելու դեպքում վարորդները կենթարկվեն միևնույն պատասխանատվության՝ անկախ սեռական պատկանելությունից: