Գլոբալ և տարածաշրջանային զարգացումները Հայաստանին ստիպում են էապես վերատեսության ենթարկել ոչ միայն ներքին, բայց և արտաքին քաղաքականությունը։ Մեր երկրի առջև ծառացած անվտանգային մարտահրավերները էապես ազդել են երկկողմ և բազմակողմ հարաբերությունների վրա։ Հայաստանը վերանայել և խորացրել է ոչ միայն Ռուսաստանի հետ իր հարաբերությունները, այլև Եվրամիության հետ ստորագրած փաստաթղթով նոր էջ է ազդարարել Արևմուտքի հետ հարաբերություններում։ Նախօրեին Սերժ Սարգսյանի հարցազրույցը շարունակում է մնալ քաղաքական և փորձագիտական շրջանակների քննարկման առարկան։ Այս և գլոբալ այլ հարցերի շուրջ այս պահին զրուցել ենք ԵՊՀ Եվրոպական ուսումնասիրությունների կենտրոնի ղեկավար Արթուր Ղազինյանի հետ։