Կադիրովի դուստրը Չեչնիայում «գաղտնի» ինտիմ-խանութ է բացել
00:49 | 2017-12-08
Չեչնիայի ղեկավար Ռամզան Կադիրովի ավագ դուստրը՝ Այշաթը, սեքս-շոփ է բացել Չեչնիայի մայրաքաղաք Գրոզնիում: Այս մասին հայտնում է ВВС-ն:
Հաղորդվում է, որ մասնագիտացած խանութում կարելի է ձեռք բերել էրոտիկ ներքնազգեստ կանանց համար և տարբեր ինտիմ աքսեսուարներ:
Խանութի հանդիսավոր բացումը տեղի է ունեցել անցած ամսվա վերջին: Lady A բուտիկի մասին գրել են մի քանի շատ հայտնի չեչեն բլոգերներ:
Չեչնիայում այդպիսի խանութի բացման մասին հրապարակավ չի հաղորդվել, Կադիրվի դուստրը չի մեկնաբանում իրադարձությունը:
Խանութը պաշտոնական էջ չունի, սակայն լրագրողները գտել են ինսթագրամյան փակ էջ, իսկ խանութի տեսականուն ծանոթանալու համար անհրաժեշտ է էջի ղեկավարության թույլտվությունը ստանալ: Ներկայումս այն մոտ 20 000 հետևորդ ունի:
Հայտնի է, որ սեքսի թեման Չեչնիայում արգելված է: