Instagram-ը նամակագրության համար թողարկում է ինքնուրույն հավելված
19:19 | 2017-12-07
Instagram-ի Direct գործառույթը, որը կիրառվում է նամակագրությունների համար, այժմ կլինի առանձին հավելված։ Այս մասին հայտնում է the Verge-ը։
«Direct գործառույթն Instagram-ում ի հայտ է եկել վերջին 4 տարում, սակայն մենք կարող ենք այն ավելի լավը դարձնել, թող որ այն լինի ինքնուրույն»,-ասել է ընկերության արտադրական հարցերով տնօրեն Հեմալ Շահը։
Direct-ն արդեն այսօր հասանելի կլինի 6 երկրներում՝ Չիլիում, Իսրայելում, Իտալիայում, Թուրքիայում, Պորտուգալիայում և Ուրուգվայում։ Մյուս երկրներում հավելվածի թողարկման ժամկետը հայտնի չէ։