iPhone X-ը կունենա հեղափոխական դիզայն
18:52 | 2017-10-12
iPhone X-ը կխորհրդանշի սմարթֆոնների դիզայնում նոր ժամանակաշրջանի մեկնարկ: Այդ մասին հայտարարել է Apple-ի գլխավոր դիզայներ Ջոննի Այվան: Հայտնում է Mignews-ը:
Այվան ընդգծել է, որ նախկինում տպավորություն կար, որ հեռախոսի էկրանն ու կորպուսը տարբեր բաղադրատարրեր են, և վերջին տարիներին իրենց նպատակը եղել է դրանց միավորումը:
Այվան հայտարարել է, որ դա վերջապես հաջողվել է իրենց և հավելել է, որ իրենք ունեն մի շարք այլ նոր գաղափարներ, որոնց ուղղությամբ աշխատում են: Դիզայները խստապես կարևորել է նաև Face ID նոր գործառույթի կիրառումը՝ հավելելով, որ վերջին iPhone-ի մշակման աշխատանքները տևել են մոտ 5 տարի: