Բուլղարիայի նախագահը Բաքվում կքննարկի ադրբեջանական գազի մատակարարումների հարցը
13:56 | 2017-10-12
Բուլղարիայի նախագահ Ռումեն Ռադևը պաշտոնական այցով կժամանի Ադրբեջան։ Հայտնում է Oxu.Az-ը։ Ակնկալվում է, որ այցը տեղի է ունենալու հոկտեմբերի 13-14-ին։
Այցի շրջանակներում Ռումեն Ռադևը հանդիպելու է Ադրբեջանի նախագահ Իլհամ Ալիևի, վարչապետ Արթուր Ռասիզադեի, խորհրդարանի առաջին փոխխոսնակ Զիյաֆեթ Ասկերովի հետ։
Բանակցությունների ժամանակ քննարկվելու են քաղաքական երկխոսության հարցեր, առևտրային-տնտեսական երկկողմ համագործակցությունը, այդ թվում նաև էներգետիկ ու տրանսպորտային ոլորտներում։
Կողմերը կքննարկեն Ադրբեջանից Բուլղարիային գազի մատակարարումների հարցը, ինչպես նաև միջազգային օրակարգի այժմեական խնդիրներ և գլոբալ անվտանգության հարցեր։