ԱՄՆ նախագահ Դոնալդ Թրամփը հայտարարել է, որ Գործողությունների համատեղ համապարփակ պլանը չի խանգարում Իրանին ուղի հարթել դեպի միջուկային զենք և միևնույն ժամանակ նյութական օգուտներ ստանալ։ Թրամփը նշել է, որ իրանցիներն արագ ուղի եմ ստեղծել դեպի միջուկային սպառազինություն։ Բացի այդ, նա հիշատակել է 1.7 մլրդ դոլար կանխիկ գումարի մասին, սակայն չի պարզաբանել, թե ինչ նկատի ունի այդ գումարի ներքո։ Հիշեցնենք, որ Թեհրանն ու համաշխարհային տերությունների «վեցյակը» 2015 թվականի հուլիսի 14-ին համաձայնագրի էին հասել իրանական ատոմի բազմամյա խնդրի կարգավորման վերաբերյալ և ընդունել Գործողությունների համատեղ համապարփակ պլանը։ Այն նախատեսում է Իրանի դեմ սահմանված ՄԱԿ-ի, ԱՄՆ-ի և ԵՄ-ի պատժամիջոցների չեղարկում։ Դրա դիմաց Թեհրանը պարտավորվել էր սահմանափակել միջուկային գործունեությունը՝ դնելով այն միջազգային վերահսկողության տակ։