Մադրիդը հազարավոր ուժայիններ է ուղարկում Կատալոնիա
22:51 | 2017-09-22
Իսպանիան Կատալոնիա է ուղարկում ոստիկանության հավելյալ ստորաբաժանումներ՝ հոկտեմբերի 1-ին նշանակված անկախության հանրաքվեի պատճառով։ Այս մասին հայտնում է Reuters-ը։
Գործակալության տվյալներով՝ Կատալոնիա է ուղարկվել հավելյալ 4000 ոստիկան։ Նրանք միացել են 5000 ոստիկաններին, ովքեր արդեն գտվել են այդ ինքնավար երկրամասում։
«Նրանց կհանձնարարվի հսկողություն իրականացնել հասարակական վայրերում և կարգուկանոն պահպանել, նրանք կգործեն անօրինական հանրաքվեի անցկացման դեպքում»,-ասվում է ՆԳՆ հայտարարությունում։
Ավելի վաղ Իսպանիայի Քաղաքացիական գվարդիան խուզարկություններ է անցկացրել Բարսելոնայի պետական հաստատություններում՝ փնտրելով Կատալոնիայի անկախության հանրաքվեին առնչվող թղթաբանություն։