Lamborghini-ն ներկայացրել է «բաց» Aventador S Roadster-ը
16:54 | 2017-09-09
Շքեղ ավտոքարեր արտադրող Lamborghini ընկերությունը ներկայացրել է Aventador S Roadster մոդելի «բաց» տարբերակը: Այս սուպերքարի շնորհանդեսը տեղի կունենա Ֆրանկֆուրտի ավտոսրահի շրջանակներում:
Համանուն կուպեի համեմատ՝ բաց ծածկով մոդիֆիկացիայի զանգվածը ավելացել է 50 կգ-ով, ընդ որում՝ ծածկի հանվող պանելները կշռում են ընդամենը 6 կգ, ու հանված վիճակում տեղավորվում են ուղեբեռի խցում։ Հաճախորդի ցանկությամբ թե՛ ծածկը, թե՛ ներքին պաստառները հնարավոր է պատվիրել տարբեր ձևավորումներով։ Հնարավոր է նաև Carbon Skin հատուկ նյութով երեսպատումը։
Նշենք, որ նորույթը Եվրոպայում վաճառքի կհանվի 2018-ի փետրվարին և կարժենա 313․666 եվրո։