«Թալիբանի» ղեկավարության անդամը հանձնվել է Աֆղանստանի կառավարական զորքերին
21:55 | 2017-08-12
Աֆղանստանի հյուսիսարևելյան Բագլան նահանգում «Թալիբան» արմատական շարժման ռազմական հանձնաժողովի ղեկավարի տեղակալը հանձնվել է կառավարական զորքերին: Այս մասին հայտնում է «Սինհուա» գործակալությունը՝ հղում անելով զինծառայողի:
««Թալիբանի» ռազմական հանձնաժողովի ղեկավարի տեղակալ Քարի Մահֆոզուլլան այս առավոտ անկայուն Բուրքա շրջանում անվտանգության ուժերին է հանձնվել»,- հայտարարել է ստորաբաժանումներից մեկի ներկայացուցիչ Գուլամ Հազրաթ Քարիմին: Շարժման 3 գրոհային ոչնչացվել է Դարա-է-Գուլակ շրջանում գործողության ժամանակ, նշել է Քարիմին: