Սպիտակ տան հաղորդակցությունների դեպարտամենտի ղեկավար Էնթոնի Սկարամուչին հայտարարել է, որ ԱՄՆ նախագահ Դոնալդ Թրամփը պատկեերացում ունի այն մասին, թե ով է մեղավոր Սպիտակ տնից տեղեկատվության արտահոսքերի մեջ։ Այս մասին հայտնում է CNN հեռուստաալիքը։ «Նախագահն ու ես ցանկանում ենք ասել բոլորին, որ ունենք շատ լավ պատկերացում այն մասին, թե ով է զբաղվում արտահոսքերով և ով է հանդիսանում Սպիտակ տանը արտահոսքերի գլխավոր աղբյուր»,-ասել է նա։ Սկարամուչին ընդգծել է, որ 150 տարի առաջ նման դավաճանական գործողությունների համար չարագործներին կսպասվեր մահապատիժ՝ կախման միջոցով։ Ավելի վաղ Թրամփն արտահոսք էր անվանել The Washington Post-ի հրապարակումը՝ ռուս դեսպան Սերգեյ Կիսլյակի և ԱՄՆ գլխավոր դատախազ Ջեֆ Սեշնսի հանդիպման մասին։