ՀՀ առողջապահության նախարար Լևոն Ալթունյանը կառավարության նիստից հետո լրագրողների հետ զրույցում անդրադարձավ միջնաժամկետ ծախսերի ծրագրով նախատեսված երկու տարի հետո առողջապահության ոլորտին հատկացվող ծախսերի կրճատմանը: «Ցավոք, այդպես նախատեսվում է, մենք մեծ հույսեր ունենք, որ կհիմնավորենք մեր ծրագրերը և բյուջեի քչացում տեղի չի ունենա: Սակայն եթե այդպիսի քայլի դիմի կառավարությունը կամա թե ակամա, ապա մենք ձեռնամուխ ենք եղել արդյունավետության բարձրացման ծրագրին, որն իր արդյունքները տվել է և այդ տնտեսությունների հաշվին մենք կկարողանանք կրճատել մեր բյուջեն՝ առանց ծառայությունների որակը վատթարացնելու», - ասաց նա։