Բոլոր քաղաքական ուժերի վարկանիշը նվազել է, այդ թվում՝ վարչապետի. Gallup-ի ուսումնասիրությունը
16:39 | 2017-07-25
Ընտրություններից հետո արտախորհրդարանական և խորհրդարանական ուժերի վարկանիշն ընտրարշավի ընթացքում ձևավորված վարկանիշի համեմատ որոշ չափով նվազել է: Սա վերաբերում է բոլորին: Այս մասին «Առաջին լրատվական»-ի հետ զրույցում ասաց Gallup International association-ի հայաստանյան ներկայացուցչության տնօրեն Արամ Նավասարդյանը:
Նրա խոսքով՝ այս լճացած իրավիճակում որևէ քաղաքական կուսակցություն չի գրանցել աճ՝ լինի ընդդիմադիր, թե իշխանական. կա որոշակի վակուում:
Ի դեպ, կազմակերպությունը նոր է ավարտել հարցումները՝ կապված վարչապետ Կարեն Կարապետյանի վարկանիշի հետ: Որոշակի անկում կա նաև վարչապետի վարկանիշում: Մի հարցում էլ կիրականացնեն հոկտեմբերին, երբ կլրանա Կարեն Կարապետյանի վարչապետության մեկ տարին:
Նա նաև նշեց, որ Կարեն Կարապետյանի վարկանիշն այնքան բարձր է, որ սա ազդեցություն չի կարող ունենալ: Վարչապետի վարկանիշը պայմանավորված է իր խարիզմայով, գործելաոճով: Նա որպես բիզնես մենեջեր՝ փորձում է կառավարման արդյունավետությունը բարձրացնել:
Հարցազրույցն ամբողջությամբ՝ տեսանյութում:
Լուսանկարը ՝ news.am-ի