Փաշինյանը տիրացել է Լևոն Զուրաբյանի «կալվածքին». «Իրավունք»

Փաշինյանը տիրացել է Լևոն Զուրաբյանի «կալվածքին». «Իրավունք»

«Իրավունք» թերթը գրում է. «ԱԺ հինգերորդ գումարման ՀԱԿ խմբակցության խորհրդարանական աշխատասենյակներում այս օրերին տեղավորվում են ԱԺ վեցերորդ գումարման ընդդիմադիր «Ելք» դաշինքի խորհրդարանական խմբակցության պատգամավորները: «Իրավունքը» նկատեց, որ նրանցից մեկի աշխատասենյակն արդեն իսկ ունի համապատասխան ցուցանակ: Պարզվում է՝ «Ելք» դաշինքի խմբակցության ղեկավար Նիկոլ Փաշինյանն իր տեղը զիջել է խմբակցության քարտուղար Գևորգ Գորգիսյանին, իսկ ինքը տեղավորվել նախորդ գումարման ՀԱԿ խմբակցության ղեկավար Լևոն Զուրաբյանի ընդարձակ աշխատասենյակում: Ի դեպ, ուշագրավ է այն, որ նույն դաշինքի պատգամավոր Էդմոն Մարուքյանը չի պատրաստվում տեղափոխվել հարազատ դաշինքի պատգամավորների մոտ, այլ իր նախկին աշխատասենյակում է մնացել՝ հավանաբար փորձելով պահպանել նախորդ գումարման ժամանակ իր ունեցած անկախ պատգամավոր լինելու տպավորությունը»:   Առավել մանրամասն՝ թերթի այսօրվա համարում